വരികള് എന്നെ അസ്വസ്ഥമാക്കുന്നു
അത് എന്നെ
മുന്നിലേക്കെത്താന്
പ്രേരിപ്പിച്ചു കൊണ്ടിരിക്കുന്നു
നീ തീവണ്ടി പോലെ
സ്വപ്നലോകത്തേക്ക് പായുമ്പോള്
പാളങ്ങള് പോലെ
വരികള്
എന്റെ കഴുത്ത് ഞെരിച്ചു കൊല്ലുന്നു
യാത്രകള്
അലസമാകുമ്പോള് നമ്മള്
മനസ്സുകൊണ്ട്
മറ്റൊരു യാത്ര പോകുന്നു
ഉറക്കത്തില്
നല്ല സ്വപ്നങ്ങള് കാണാന്
തന്ത്രപൂര്വ്വം
നിന്നൊട് ഉമ്മകള്
ഇരന്നു വാങ്ങുന്നു
കുലുങ്ങി കുലുങ്ങി
നമ്മള് നടത്തുന്നയാത്ര
ശേഷം
ക്ഷീണിച്ച്
ഇറങ്ങി നടക്കുന്ന
തവണ്ടിയാപ്പീസ്
കാത്തുനില്ക്കുന്ന
വെളുത്ത ഷര്ട്ടിട്ട ഒരാള്
'എന്താ ഒരു മൗനം'
എനിക്ക്
എന്റെ സ്വര്ഗ്ഗം
നഷ്ടപ്പെട്ടു
വരിനിന്ന്
വാതില്ക്കലെത്തിയപ്പൊളേക്കും
തടഞ്ഞുവീണ്
എന്റെ സ്വര്ഗ്ഗം നഷ്ടമാക്കി
വരികള് എനിക്ക് വെറുപ്പാണ്
എന്നെ ഒന്നാമനാകാന്
പ്രകോപിപ്പിക്കുകയും
അത് എന്റെ സ്വര്ഗ്ഗം നഷ്ടമാക്കുകയും
ചെയ്യുന്നു
