വിപ്ലവം മൂത്ത് നടന്ന കാലത്ത്
തലക്കകത്തേക്ക്
വല്ലതും കയറാന്
പാഠപുസ്തകം വായിച്ചു കൊണ്ട്
അടുത്തിരുന്ന ഒരുത്തി...
അവള് പോയതിനു ശേഷം
നല്ല ചോറും കറിയും
പരീക്ഷയിലെ പാട്ടും പാടി
കൊതിപ്പിച്ച വേറൊരുത്തി...
ബോധനശാസ്ത്രത്തിന്റെ
തന്ത്രങ്ങള് പയറ്റുമ്പോള്
ചാര്ട്ടുകളില് മാര്ജിന് വരച്ച്
എന്നെ സഹായിച്ച മറ്റൊരുത്തി...
പ്രണയിക്കാനാവില്ലെന്നു പറഞ്ഞ്
പറിഞ്ഞു പോരുമ്പോഴും
ചേര്ത്തു പിടിച്ച് പ്രണയിക്കുന്ന
മറ്റൊരുതരക്കാരി...
ഓരോരുത്തിമാര്
ഋതുക്കള് പോലെ
പൂക്കുകയും കൊഴിയുകയും
ചെയ്യുമ്പോഴും
എന്റെ യാത്ര
മെഗല്ലന്റെ കപ്പല്യാത്ര പോലെ
തുടങ്ങിയിടത്ത് എത്തുന്നു
ആദ്യപ്രണയം
മറുപക്ഷമില്ലാത്ത
രാഷ്ട്രീയപാര്ട്ടി പോലെ
ധ്വംസിച്ചു കൊണ്ടിരിക്കുന്നു....
No comments:
Post a Comment